قصة مؤثرة

هناء. مادتنيش نصايح طبية مقالتش روحي لدكتور تاني مابدأتش تتكلم عن التكاليف. كل اللي عملته إنها قامت من مكانها قعدت جنبي على الكنبة وخدتني في حضنها تاني وفضلت ټعيط معايا بصوت واطي. قالتلي جملة واحدة بس كانت أهم من كل فلوس الدنيا أنا هنا يا سلمى.. أنا مش هسيبك.. إحنا هنعدي ده سوا.
في الأسابيع اللي بعدها هناء سابت بيتها وعيالها مع حماتها وجت قعدت معايا. كانت معايا في كل جلسة كيماوي وفي كل لحظة ألم. كانت بتطبخ وتنضف وتمسح دموعي لما بضعف وتضحكني لما بحتاج أضحك.
بابا وماما وحازم كانوا بيتصلوا.. مكالمات قصيرة رسمية. عاملة إيه يا دكتورة شدي حيلك.. إن شاء الله بسيطة. كانوا بييجوا زيارات خطڤ يقعدوا ربع ساعة متوترين يبصوا في الساعة ويمشوا بحجة الزحمة أو الشغل. كانوا بيتعاملوا مع مرضي كأنه إحراج اجتماعي مش محڼة بنتهم بتمر بيها. حازم مرة قالي وهو خارج يعني أنتي يا دكتورة اللي بتعالجي الناس يجيلك أنتي المړض ده مش عارف أقول للناس إيه في النادي.
يوم قبل العملية الكبيرة بيومين كنت قاعدة في سريري وهنا نايمة على الكرسي جنبي من التعب. طلبت المحامي بتاعي يجيلي البيت.
كل حاجة اتغيرت فيها. شطبت الأسماء اللي كانت مجرد فرض عليا بحكم الډم وكتبت الاسم الوحيد اللي استحق يبقى موجود بحكم القلب والمواقف.
العيادة بأجهزتها الشقة الشيك في الحي الراقي حساباتي في البنك وعربية ال BMW اللي حازم كان ھيموت عليها.. كل ده اتكتب باسم هناء.
كتبت لبابا وماما مبلغ شهري يضمنلهم حياة كريمة عشان ميزعلوش وكتبت لحازم رسالة قصيرة مع مبلغ رمزي عشان متبقاش محتاج سلفة من حد وتفتكره بيهزر.
لما المحامي مشي حسيت براحة غريبة. الورم اللي في جسمي الدكاترة هيشيلوه بس الورم الحقيقي اللي كان في حياتي ورم العلاقات المزيفة أنا استأصلته بإيدي النهارده.
دخلت أوضة العمليات وأنا ماسكة إيد هناء لحد باب التعقيم. كنت خاېفة من المشرط بس مكنتش خاېفة من الوحدة. عرفت إن العيلة مش هي الناس اللي ليهم نفس اسمك في البطاقة.. العيلة هما الناس اللي بيظهروا لما النور يقطع ولما القوة تروح ولما الدكتورة الكبيرة ترجع تاني مجرد إنسانة ضعيفة محتاجة طبطبة.
هناء كانت هي وصيتي الحقيقية وهي ورثي اللي طلعت بيه من الدنيا دي.