حكايه ياسمين

عمتها هناك ممكن الاقي فرص شغل افضل من هنا
وفعلا سافرت اسكندريه وبقيت اسيب ابني مع عمه صاحبتي وانزل ادور علي شغل
واشتغلت كذا شغلانه مره في محل ملابس ومره شغاله في بيت بس كل اتعرض لتحرش من صاحب الشغل واضطر امشي و مكملش في الشغل وحتي مش باخد مرتب الايام الي اشتغلتها ولما الست الي انا قاعده عندها شافت حالي صعبت عليها وقالت لي. انتي لازم تشتغلي عند حد مضمون علشان متتعرضيش لكل المشاكل دي.. انا اعرف راجل كبير عنده مكتب بيشغل الناس .. وفعلا اتصلت بيه وقالت له فقال لها ابعتيها اشوفها واشوف هي عايزه تشتغل ايه.. روحت قابلته واول مشافني لقيته قال لي انتي مش وش بهدله شكلك بنت ناس ايه رايك اتجوزك و اريحك من البهدله بصراحه انا معجب بيكي.. لو وافقتي هجيب لك شقه .. واعيشك ملكه وابنك هو ابني ... بصراحه وافقت علي طول وقولت اهو حد ينقذني من الحال الي انا فيه حتي الاقي بيت اعيش فيه انا وابني وحد يصرف علينا..
بعد اسبوع جاب الماذون وكتبنا الكتاب وجاب لي شقه حلوه وعيشت معاه وكان بيصرف عليا وعلي ابني وبيعاملني كويس
فرق كبير جدا بين معاملته ومعامله جوزي الاولاني ..
فضلت عايشه معاه لحد مقولت الدنيا ابتسمت لي وهبدا اشوف ابني واظبط له اوراقه وارفع قضيه النسب بتاعته وبعد كده اروح اصالح اهلي واعرفهم علي جوزي الجديد
بس للاسف علي راي المثل المنحوس منحوس.. بعد ما فات ست شهور علي جوازي لقيت نفسي حامل.. اول مقولت لجوزي مبينش اي تعبير ولا فرحان ولا متضايق.. قولت عادي يمكن علشان
عنده ولاد كبار مكانش عايز يخلف تاني او الموضوع عادي عنده .. ونزل راح شغله في اليوم ده واستنيته يرجع في معاده زي كل يوم مرجعش.. وتاني يوم مجاش وتالت يوم مجاش.. بتصل بيه طول الوقت تليفونه مقفول .. وبعد يومين لقيت واحد بيخبط عليا باب الشقه ولما فتحت له قال لي انا جاي استلم الشقه قولت له شقه ايه دي شقه جوزي قالي لا دي شقتي وفي واحد كان ماجرها مني والنهارده اخر يوم ايجار
وانا جاي استلم الشقه... سلمته الشقه واخدت ابني ومشيت .. روحت علي الماذون علشان اعرف عنوان جوزي احاول اوصل له .. لكن الماذون صدمني وقال لي العقد ده مزور ومش متسجل في الدفاتر
وقتها عرفت ان الراجل ده استغل ظروفي واحتياجي وڼصب عليا بعقد جواز مزور
والمصېبه مش في كده المصېبه ان انا معايا دلوقتي طفل في ايدي وطفل في بطني
والاتنين مش عارفه اثبت نسبهم واعمل لهم شهادات ميلاد...انا في موقف صعب جدا
رجعت تاني للست قريبه صاحبتي عيشت معاها لحد مولدت ابني التاني
فكرت كتير اموت نفسي بس برجع اقول
ولادي ذنبهم ايه ملهومش حد غيري يبقو لا ام ولا اب
انا دلوقتي لسه عايشه معاها وهي بتصرف عليا وعلي ولادي من معاشها القليل وانا مستنيه ابني الصغير يكبر شويه علشان اقدر انزل اشتغل واساعد معاها في المصاريف
حاولت اتصل بابويا يمكن يسامحني لكن لما عرف اني معايا طفلين ملهومش اوراق وواحد منهم مفيش اثبات اني اتجوزت ابوه
بابا رفض يكلمني ولا يسامحني واتبرا مني
وقال مستحيل تدخلي بيتي طول مانا عايش
انا حاسه اني ضايعه انا وولادي مش عارفه اعمل ايه
انا حكيت لكم حكايتي علشان اقول لكل بنت اياكي تتخدعي بكلام الحب والغرام والكلام المعسول والاوهام
واسمعي كلام اهلك ورايهم لانهم بيكونو شايفين حاجات انتي مش شيفاها وفي الغالب الايام بتثبت ان رايهم كان صح و للاسف انا اكتشفت كده بعد فوات الاوان