حكايه ياسمين

كاملة
حكايه ياسمين
انا اسمي ياسمين من عيله غنيه في الريف عندنا اراضي واملاك ومشهورين في البلاد والقري الي حوالينا واسمنا له قيمته.. بس انا من صغري مش بحب المنظره .. بحب اكون متواضعه وعاديه زي باقي الناس.. عكس اخواتي خالص.. انا اصغر واحده فيهم .. كلهم اتجوزو من اعيان البلد والبلاد الي جنبنا.. هو النظام كده البنت الغنيه لازم تتجوز واحد مناسب لها يكون مستواه زيها او اعلي منها.. ويجيب لها دهب كتير ويعمل لها فرح كبير .. هو النظام كده وبابا وماما مقتنعين بكده... الا انا .. كنت مختلفه عن كل ده.. دايما كان عندي رغبه اني احب.. جواز المصالح والعائلات ده انا مليش فيه
وكنت مقرره من صغري اني مش هتجوز غير واحد بحبه مش مهم يكون غني او فقير
لما بقي عندي ١٧سنه بدا يتقدم لي ناس كتير بس بابا كان بيرفضهم كل واحد لسبب شكل وانا كنت مبسوطه انه بيرفض مهو انا مش هتجوز اي جوازه والسلام
ومن بين الي اتقدمو لي ابن عمي. . ودي كانت اول مره حد قريبنا يتقدم لواحده منا انا واخواتي وطبعا بابا فرح بس مدالوش كلمه اكيده
وفي الفتره دي كنت كل مخرج مشوار في سواق توك توك بيمشي ورايا في الرايحه والجايه وانا كنت معجبه بيه بس من بعيد لبعيد عمرنا ماتكلمنا مع بعض
وفي يوم كنت رايحه مشوار وركبت توك توك وبالصدفه طلع هو الشخص ده انا مخدتش بالي منه الا بعد مركبت معاه
وقتها اتجرا واتكلم معايا وقال انه معجب بيا ونفسه اني ادي له فرصه يتكلم معايا ونتعرف .. وفعلا اديته فرصه وبقيت اكلمه واقابله رغم ان في بلدنا لو حد عرف ان البنت بتكلم شاب او بتقابله ممكن ېقتلوها..
وفي مره لقيته بيقول لي انا بحبك وعايز اتقدم لك قولت له خلاص اديني فرصه اكلم اهلي واقول لك
انا كنت فرحانه جدا لان ده كان اول حب في حياتي وكنت بحبه من جوه قلبي. واول موصلت البيت حكيت لماما الموضوع واول مسمعت انه سواق توك توك
صوتت ولطمت علي وشها.. وقالت لي انتي اټجننتي يابنتي سايبه كل شباب البلد والاعيان واصحاب الاملاك وجايه عايزه تتجوزي سواق توك توك
قولت لها انا مليش دعوه بالكلام ده والاطيان والفلوس كل ده مش فارق معايا .. انا بحب الشخص ده وعايزه اتجوزه حتي لو كان ايه..كلمي بابا وعرفيه الموضوع وخليه يحدد معاد يقابله فيه.. طبعا ماما راحت ندهت لبابا وقالت له تعالي سوف بنتك عايزه تتجوز سواق توك توك.. بابا طبعا جه كمل الموشح بتاع ماما .. وقال لي احنا معندناش
الكلام ده وخلي بالك يوم الخميس الخطوبه الرسميه علي ابن عمك.. وبعدها بشهر هيكون الفرح بس نجهز الفرش وده اخر كلام