كارثه خفيه

اختى لما الولد ماټ طلقها لانها اتفرعنت قوى لما جابته اختى بقت تبكي على الولد لان كل حاجه راحت منها حكمها في البيت والفلوس اللي اخدتها كل حاجه راحت ف هي دلوقتي عايزه بنتها ف انا جيت اخدها
سلمى سمعت قالت ايه بتقول عزه مش بنتي مش بنتنا وابننا ماټ
محمد انا هوديكم كلكم فى داهيه هحبسكم تهمة التزوير انتو والممرضه اللي بدلت وخالك ومراتو واختك دى معندهاش قلب اذاى تبدل بنتها وهحبس طاقم المستشفى اللي ولدت فيها وهشمعها بالاحمر هحبسكم وهخربها على دماغكم والبنت دي انتم مش هتشوفوها سمعتى تنسيها انا مش هرجعها لكم بس مش عشان انا حبيتها ولا عشان اعتبرتها بنتي ولا لاني متمسك بيها لا لان انتم اللي زيكم ما ينفعش يحتضن اطفال الاولاد دول نعمه من ربنا وانتم ما صنتوش النعمه وما ينفعش تكون معاكم ولا واحد فيكم مؤهل لتربيه البنت فبالتالي البنت هتتحول لملجا ايتام وانا اللي هتبناها
نجاح لا يا بيه خلاص خلوها معاكم بس خلاص سيبوني امشي
سلمى تمشي بعد ما اخدته ابني ومۏته بعيد عني وديتوني بنت مش بنتي ربتها كل السنين دى منك لله يعنى لو ابني كان فضل عايش وما كانش عنده ثقب في القلب وكان سليم زي ما انتم عايزين كنتو هتربو عادى وانا مش مهم عارفه البنت دي ربنا بيحبها لانها ما تربتش معاكم ومع عقلياتكم المريضه بجد انتم مريضين حسابكم مع البوليس هو هيعرف كويس ازاي يجيب منكم حقنا
نجاح جوزها ما يعرفش جوزها فاكر ان الولد ولده واختى بس
محمد والله دي مش مشكلتنا مش مشكله زي ما انتوا غشيتوا ربنا اخده منكم صحيح ابني بس انا مش زعلان انه ماټ عارفه ليه لانه كان هيطلع شبه العقليات المريضه اللي عندكم
سلمى صح وابقو ورونى بقى نفوذ اختك وفلوسها وصيطها لما تروحوا عند ربنا الحكم العدل فوق ويسالكم عملتوا فينا كده ليه علشان انتم يبقى عندكم فلوس كتير هو بقى الاعذار دي يعرف عدلها وانا مش مسامحاكم ابدا ولا انتى ولا اختك ولا اي واحد كان ليه ايد في تبديل ابني حسبي الله ونعم الوكيل فيكم منكم لله ربنا يجيبلي حقنا من عينيكم
بعد شوية وقت كانت جات عربيات البوليس واخدوها وبعد شويه كانت سلمة قاعده في البيت ومعاها محمد والاولاد وسعاد بس كانت لسه حالته النفسيه مش كويسه ابدا
سليم ماما انتى كويسه طلعت في حاجه في التحاليل بتاعتنا طلعنا تعبانين يعني عشان كده انتم زعلانين من ساعه ما جيتوا من المستشفى
محمد لا يا حبيبي انتوا كويسين خالص ماما بس طلعت تعبانه شويه فاحنا عملنا تحليل لماما كمان
سليم ايوه شفت اخد ډم تحاليل منكم
محمد بس تحاليل مامتك مش كويسه قوي يعني كانت تعبانه شويه الدكتور قال ما تتعبوهاش فخليكم شاطرين وبطلو كل شويه شغل العفاريت اللي بتعملوه يلا على اوضكم
سعاد لا انا هاخدهم عندي النهارده يلا على العربيه
محمد ليه ماما ما تسيبين في اوضتهم
سعاد انت مش شايف البنت انا هاخدهم وانت ما تخليهاش تروح المطبخ ولا تشغل البوتاجاز بالحاله دي لا تنسى نفسها ولا حاجه تولع فيكوا انا هاخد الاولاد وانت جيب لها اكل جاهز بقى انا هروح الولاد عشان ما ينفعش يفضلوا هنا ويشوفوها بالحاله دي بس هرجع تاني الصبح ان شاء