قصة اخوه علشان طمعان فيه

هو كان مراد بيقوله انت حرامي وسرقتني وانا مش هسكت ايوه صح قالة كده بالظبط..
أدهم
امممم يعني كان بيقول كده لاخوه محمود انتي متأكدة.
سارة
ايوه يافندم متأكدة!
أدهم
بس انتي قولتي انك مسمعتيش صوت محمود وكان صوت مراد هو اللي ظاهر.
سارة
م م ماهو مراد كان عارف ان محمود بيسرقة يعني هو كان هيقول الكلام ده لمين. وبعدين انا نزلت لقيت فعلا محمود واقف جنب مراد وهو على الأرض غرقان في دمة يبقا هيكون مراد كان بيزعق مع مين غير محمود
أدهم
طيب يامدام سارة اتفضلي انتي دلوقتي ومشيت سارة من عندي ولقيت خالد جاي بيقولي
انا لقيت حاجة في الكاميرات وهي انه في وقت ممسوح من الكاميرات
لما بصيت فعلا في الوقت اللي دخل فيه محمود الفيلا والوقت اللي قبلة علطول لقيت في فرق في الساعه كبير حوالي ساعتين اتمسح
وبكده يبقا في حد دخل الفيلا في الساعتين دول ارتكب الچريمة وقبل مايخرج مسح الهارد بتاع الكاميرا وخرج قبل محمود مايوصل وقولت لخالد
اسمع ياخالد انا عايزك تراقب سارة مرات مراد وكمان عايزة مراقبة على عمر ابنة
خالد
بس يافندم هنراقب عمر ابنة ليه وهو كان يومها في شرم ومكنش موجود في اليوم ده اصلا
أدهم
اسمع اللي بقولك عليه انا عايز مراقبة لعمر وسارة من غير مايحسو طبعا
وفعلا عملو المراقبة على عمر وسارة وخالد بعدها بيومين جاب لي تقرير ان سارة وعمر قاعدين في كافيه هما الاتنين وزي مايكونو في شد بينهم في الكلام وإن سارة متعصبة اوي على عمر بس محدش عرف هما كانو بيقولو ايه لانه المراقبه كانت من بعيد
انا وقتها قولت لخالد
بكده ممكن أو احتمال تكون سارة ليها يد في الچريمة او بعتت حد يخلص على مراد وهي تبقى بعيد عن الحكاية دي..
خالد
طيب ايه الدافع يافندم اللي يخلي سارة تخلص على مراد
أدهم
ممكن تكون كرهته عشان لقت ان هو أكبر منها في السن مثلا وعايزة تعيش حياتها بس عمر برضو ايه علاقتة بسارة غير ان هي مرات ابوه في حاجة غلط انا عايز بس احدد الأول الوقت اللي فيه مراد ونتطابقه مع وقت دخول محمود الفيلا ولو فعلا طلع مراد في وقت غير دخول محمود يبقا كده المچرم قاعد بيتفرج علينا
أدهم
طيب خطتك ايه يافندم
أدهم
عرفت منين يا خالد في دماغي في خطة
خالد
عرفت منين هو انا يعني مش عارف دماغ ساعتك يافندم
أدهم
انا عايز الأول اتأكد من وقت الچريمة ياريت تستعجلي المعمل الجنائي
وبعدها فعلا جه التقرير اتاكدت ان وقت الچريمة لما حصلت كان قبل الوقت اللي محمود دخل فيه الفيلا وقولت لخالد
يبقا كده محمود فعلا مقاتلش مراد. يبقا حد من الاتنين المقربين لمراد ياما سارة ياما عمر
خالد
بس عمر هي ابوه ليه يافندم وبعدين ده مكنش موجود اصلا يومها والشهود قالو كده
أدهم
ماهو ده اللي انا لازم اعرفه. وبعدين انت عارف انه سهل جدا ياخالد انه يجيب شهود ويقول ان هو كان معاهم اسمع ياخالد ايه رايك نرجع ايام اللعب اللي كنا بنعملها في اي قضية فيها فاكر لما كنا بنخلي القتيل يرجع تاني
خالد
اهاا ايوه بقا هو ده الكلام يا أدهم بيه..
أدهم
طيب انا عايز اخلي شبح مراد يظهر لعمر وسارة هو صحيح مش المفروض ان سارة قاعده عند اهلها بعد مۏت مراد
خالد
ايوه والفيلا مفيهاش حد حاليا غير عمر وبس
أدهم
حلو اوي انا
عايزك بقا تجيب لي خبير الأصوات اللي بيعمل مؤثرات صوتية وبصرية عشان اقدر انفذ الخطة دي ونروح
الأول لعمر لو ملقناش منه رجا تبقا سارة اللي عليها