عهد الډم ل حمدة هيكل

واقف
متنح للشخص دا ..هو أنه كان شبه جدي بالظبط
طب ازاي ..انا لسه سايبك في اوضتك من ثواني
وجيت من عندك لهنا ..وصلت هنا قبلي أزاي يا جدي
لقيته ابتسم وهو بيقول ومين قالك انا مش جدك اصلا
يعني ايه !! اومال انت مين
ضحك ضحكة غريبة وقالي
طب روح أفتح الباب لأبوك
ابويا !!
بعد ثانيتين سمعت صوت جرس الباب
بصيت لجدي أو شبيهه وانا محتار
روح أفتح لأبوك يا مؤمن
روحت و فتحت الباب واتفاجأت لما لقيت بابا قدامي
بابا !!!...ايه اللي جابك دلوقت
نعم !!
اقصد أهلا بيك أتفضل
جدك عامل ايه دلوقت
الحمدلله بخ ..هو حضرتك عرفت ازاي انه تعبان !!
كلمني من شوية وقالي انه تعبان وانك جبتله الدكتور
مقولتليش ليه أن جدك تعب
محبتش أقلقك خصوصا وأنه بقى كويس الحمدلله
تحب تدخل تطمن عليه
لا ملوش داعي خلاص سيبه يرتاح..وبعد كدا لو حصل حاجة زي كدا تاني تبقى تعرفني على طول
حاضر يا بابا حاضر
بابا مكملش 5 دقايق ومشي ..
كنت خاېف أدخل أوضتي
فتحت أوضة جدي لقيته نايم في مكانه
رجعت بسرعه على أوضتي ..ملقتش حد
أخدت نفسي وخلت أنام ..حاولت ألاقي تفسير للي حصل دا
بس معرفتش ..تعبت من التفكير وروحت في النوم
تاني يوم صحيت متأخر وكنت عايز أسأل جدي
هو فعلا دخل أوضتي إمبارح بس معرفتش
فطرته واديته العلاج وخرجت بسرعه عشان أول محاضرة متفوتنيش ..
بعد يوم دراسي طويل ..كلمت بابا وقولتله
أني هقعد عند جدي كام يوم لغاية ما يخف
سألني مستغرب
يخف !! ليه ماله جدك
يا بابا هو أنت نسيت ..مش هو كلمك أمبارح و..
لساني وقف عن النطق لما افتكرت أن بابا اصلا
في محافظة تانية مأمورية تبع الشغل ومش هيرجع
ألا الجمعه !!
في ايه يا مؤمن سكت ليه
ها..لا مفيش
جدك ماله حصله أيه
شوية تعب والدكتور كتب له
على علاج ..انا كلمتك
عشان اقولك اني هقعد معاه الكام يوم دول لحد ما يخف
طيب تمام ..لو أحتجت فلوس قولي وانا هبعتلك
لا أطمن معايا ..شكرا يا بابا
رجعت البيت وقولت لازم أواجه جدي
كان معايا نسخه من المفتاح
جدي يا جدي
انا هنا يا مؤمن
دخلت اوضته ...وسلمت عليه واطمنت انه بقى كويس
في حاجة مهمه عايز أسألك عنها يا جدي
خير يا بني في ايه
امبارح بعد ما سبتك ودخلت أوضتي سمعتك بتندهلي
دخلت اشوفك ..لقيتك نايم ولما رجعت أوضتي
لقيتك نايم في سريري ..وبعدها قولتلي روح أفتح الباب لأبوك ..وعرفت منه انه كلمته وقولتله انك تعبت
قاطعني وقال
ولما كلمته بعد الجامعه ..عرفت منه انه مكنش يعرف
أصلا بموضوع مرضي ودا غير أنه مسافر ومش هنا
بس انت من لخبطتك مخدتش بالك ليلتها
بصيت له وانا مندهش ..
جدي انا لازم افهم هو في ايه
أولا انا مش جدك ..
نعم !!..اومال أنت مين
حسيت لون وشه ابتدا يحمر ووقف من مكانه
وضهره أتنصب ..وهو اصلا محڼي
صوته أتغير وقالي ..تحب تعرف فعلا أنا مين
دقات قلبي زادت وحسيت بسخونه في الأوضة
وبعدها سمعت صوت الباب بيتفتح
خرجت للصالة لقيت جدي راجع من برة ومعاه ضيف
طب ازاي !
في ايه يا مؤمن ..مالك واقف مبرق لي كدا
اصل ااا
أصل ايه ما تتكلم
ممكن دقيقة يا جدو من فضلك
قال للضيف اللي معاه اتفضل هنا يا بني
البيت بيتك ..انت مش غريب
دخلت اوضته وقولتله في حاجة غريبة بتحصل هنا
في ايه
حكيت له كل حاجة ..وقولتله فهمني يا جدي في ايه
ملامحه ظهر عليها الضيق وقالي طيب خلاص
انا هفهمك كل حاجة ..بس مش دلوقت
لا انا عايز اعرف دلوقت
طيب يا مؤمن بس يمشي الراجل ونتكلم
راجل مين دا
دا راضي ابن صاحب البيت وانا كنت مستلف منه مبلغ
مستلف منه ..طب ليه
هفهمك بعدين
خرج جدي وقعد مع الراجل وقاله معلش اتاخرت عليك
هو بصراحه انت