عهد الډم ل حمدة هيكل

من وقت للتاني كنت بحب أزور جدي..عشان أطمن عليه ..خصوصا وأنه بقى عايش لوحده بعد ما تيته الله يرحمها ماټت من سنه
للأسف جدي رافض أنه يعيش مع حد من ولاده
وشايف انه ليه ذكريات في البيت دا وميقدرش يستغنى عنه
دايما بيردد جملة من خرج من داره أتقل مقدارة
بابا واعمامي مش مقصرين في حقه وبنتجمع كلنا عنده
يوم الجمعه وفي الأجازات والأعياد
لكن أنا كنت دايما بحب أروح هناك ..واقعد معاه ويكلمنى عن حكايات زمان والناس الطيبة ومواقف واخلاق جميلة لناس زمان واللي للأسف أحنا أفتقدناه في الأيام دي
نسيت أعرفكم بنفسي أنا مؤمن عندي ٢٠ سنه في ٢ تربية رياضية ..بيت جدي في منطقة بعيدة عننا شوية
كنت بحب أروحله بدري عشان متأخرش وانا راجع
خصوصا وأنه مش بيسيبني الا لما نتعشى مع بعض
اليوم دا بقى لما روحتله خبطت كذا مرة على الباب
ولكن جدي مردش..في الاول قولت ممكن يكون بره
أو اتأخر في الصلاة وزمانه جاي..فقعدت مستنية على السلم قدام شقتهوبعد ربع ساعة الباب أتفاجأت أن الباب أتفتح
وبعدها صوت جسم أتخبط فى الارض
جريت بسرعة ولقيت جدي واقع على الأرض وبيتنفس بصعوبه ..
_جدي مالك..ايه الي حصل
حطيت أيده على كتفي واتسند عليا ودخلته اوضته
واتصلت بالدكتور ..وبعد نص ساعه وصل الدكتور وكشف على جدي وقالي انه لازمه راحة تامة..لأنه بيجهد نفسه كتير
ودا غلط على اللي في سنه خصوصا مع مرض السكر والضغط..
جدي صعب عليا ..هو فعلا بيعمل كل حاجة لوحده
من ساعة ۏفاة جدتي وهو رافض يتجوز ..رغم اننا حاولنا معاه كتير عشان يتجوز ..اهو وحده تكون معاه وتونسه
وتقضي طلباته ..بس هو رافض الموضوع دا خالص
جهزت عشا خفيف ليا انا وجدي ودخلت بيه عليه
وأكلنا على السرير
_معلش تعبتك معايا
_متقولش كدا يا جدي..انت غالي علينا اوي
_عليكم!!..يمكن عليك انت لوحدك ..تقريبا انت الوحيد في احفادي اللي بتزورني دا يمكن اكتر من أبوك وأعمامك
_ازاي بس..دا انت الخير والبركة كلها .بس هو يمكن مشاغل الحياة وانت عارف بقى الدنيا بقت صعبة أوي
_يلا ربنا يعينهم..انا مش عايز اكتر من اني اشوفهم مبسوطين وبخير
_طيب ايه ..متاخدنيش في دوكة واحكيلي موقف
ولا حكاية من حكاياتك الحلوة بقى
_لا ..حكايات ايه ..انا تعبان ومش قادر
_ايوه صح..دا الدكتور لسه موصيني من شوية
خلاص هسيبك ترتاح
_بس متقلقش ليك عندي البديل
_ازاي!!!
_شايف الكرسي اللي هناك دا
_اه
_هاتوا وحطوا هنا قدام الدولاب..واطلع عليه
_ليه..في حاجة عايز أجبهالك!!
_اسمع الكلام وبلاش غلبة
_ماشي هسمع الكلام
سحبت الكرسي ووقفت عليه
_شايف الكرتونه اللي على شمالك دي
_اه شايفها
_هاتها بقى
_ياااه دي متربة أوي ...دي شكلها من زمان
_خدها بقى معاك أوضتك
_هتلاقي فيها شوية كتب وحاجات قديمة ليا
وهتلاقي كتب فيها قصص من اللي بتحبها
_بجد
_أتسلى فيهم برحتك بقى بس متنساش قبل ما تمشي
ترجعهم مكانهم تاني..ستك الله يرحمها قبل ما ټموت بكام سنه..لمتهم وحطتهم في الكرتونة دي وشالتهم فوق الدلاوب
مع شوية كراكيب.
_لا متقلقش هرجعهم تاني مكانهم..يلا هسيبك ترتاح بقى
تصبح على خير
طفيت النور وقفلت الباب
ودخلت أوضتي بقى وحطيت الكرتونه قدامي على المكتب
وطلعت منها الكتب
كانت كتب قديمة لكتاب كبار زي العقاد وطه حسين
ويوسف السباعي..
باين السهره هتحلو
هروح أعمل لنفسي كوباية شاي
وارجع أقضي السهره مع الكتاب
فضلت أقرى في كتاب من الكتب ..كنت مندمج لحد ما سمعت صوت جدي بينده علي
سيبت الكتاب وروحت بسرعه علشان اشوفه محتاج ايه
بس الغريب أني لما دخلت لقيته نايم
معقول لحق ينام ..طب هو نده لي ليه من الأول
يمكن يكون مندهليش أصلا وانا بيتهيألي
رجعت الأوضة وأول ماقفلت الباب ورايا
لقيت واحد نايم مكاني في السرير
قلبي كان هيقف من الخضة ..
واللي زود خۏفي وأندهاشي وخلاني