سركم فى بير بقلم محمد عصمت

خيط جديد!
وفورا اتصلت بيهم وطلبت منهم مساعدتي في إننا نجيب حق عادل قلتلهم يقابلوني الساعة ١٢ بالليل بالتمام والكمال في مصنع الجبنة المهجور اللي في على طرف القرية.
كنت مستنيهم في الميعاد واقف في نص هنجر المصنع اللي كان فاضي ومكسر ضهري للباب ووشي للحيطة سمعتهم وهما داخلين خطواتهم قربت مني وقفوا ورايا سمعت صوت رجائي بيقول خير يا محمود جايبنا مكان زي ده.. في وقت زي ده ليه
سكت بس منير قال وراه إنت قلت إنك عرفت حاجة عن اختفاء عادل طمنا وصلت لإيه
لفيت وشي بصيت ليهم في صمت ثواني قبل ما ابتسامتي توسع وأنا بقول عرفت سركم.. عرفت كل حاجة
كمال بصلي بتركيز شوية قبل ما يقرب مني خطوة وهو بيقول عرفت إيه
ابتسامتي وسعت وأنا بقول عرفت إنكم إنتم اللي ورا كل حاجة حصلت لعادل
الشړ لمع في عينيهم وهما بيقربوا مني قلبي دق بقوة رجعت خطوتين لورا هجموا عليا كنت مستعد لحاجة زي كذا ضړبت واحد منهم وقعته على الأرض حاولت أقاوم الباقيين.. لكن الكترة تغلب الشجاعة إتلموا عليا حاولت أقاوم بس هما كانوا خايفين غضبانين ضړبة من هنا وضړبة من هناك وضړبة على راسي من ورا.. خلت الدنيا كلها تلف بيا وأقع على الأرض مغمى عليا!
لما فقت شفت كل حاجة مقلوبة مكنتش فاهم إيه اللي
حصل هي الضړبة كانت قوية لدرجة إنها أثرت على عينيا بس بعد شوية تركيز فهمت.. أنا متعلق بالمقلوب زي الخفاش كدا رجليا فوق وراسي تحت في الهوا حاسس براسي پتنزف من ورا بس مش قادر أتأكد من المعلومة دي حركت رقبتي عشان أشوفهم معدولين شوية كانوا واقفين تحت قالعين هدومهم من فوق صدرهم باين وراسمين عليه رموز وكلام مش مفهوم بس واضح إن كله له علاقة بالسحر أو حاجة زي كدا لابسين ماسكات مخيفة رجائي كان لابس ماسك على شكل كلب مرعب منير كان لابس ماسك على شكل جدي مخيف وكامل كان لابس ماسك على شكل قرد مفزع راسمين نجمة خماسية على الأرض فيه شمعة في كل طرف من أطرافها ومولعين ڼار في نصها بس الغريبة.. إنها كانت ڼار مخيفة ڼار لونها أخضر.
خدوا بالهم إني فقت بصوا ناحيتي منير قلع الماسك ضحك ضحكة مخيفة وهو بيقول إنت ساذج أوي يا محمود! إنت متخيل لما تقولنا إنك اكتشفت كل حاجة عن اختفاء عادل وتجيبنا المكان دا.. المكان دا تحديدا دونا عن أي مكان تاني مش هنفهم إنك كشفت السر
حاولت أتماسك حاولت أداري خۏفي شوية لكن قلقي بان في صوتي وأنا بقوله أنا بس عايز أعرف قټلتوه ليه
رجائي قال بهدوء أخوك مماتش مقتول يا محمود أخوك كان قربان أضحية لحاجة كبيرة أوي يمكن تكون حتى أكبر من قدرتك على الفهم