حكايه سلوى

ضحك وقال لي شغل ايه قولت له انا توقعت انه بيشتغل معاك في المصنع.. بص في الارض وقال للاسف هو لابيشتغل معايا ولا لوحده
واتخرج من كليه التجاره بالعافيه وقاعد في البيت طول الوقت او يخرج مع صحابه وخلاص
استغربت جدا ازاي واحد في سن عصام يكون حياته بالضياع ده رغم اني لما شوفته واتعاملت معاه محسيتش انه مستهتر بالعكس انا حسبت انه ملتزم واد المسؤليه اكيد في سبب لحاله الضياع دي وحسيت اني عايزه اعرف مشكلته ايه
وفي اليوم ده رجعت من شغلي بدري ودخلت علي شقه عمي وقولت لمرات عمي اني عايزه عصام في موضوع قالت لي استني يابنتي ادخل اصحيه... قولت لها تصحيه دي الساعه ٤ العصر هو كل ده لسه نايم هزت راسها وهي حزينه ودخلت تصحيه
لما جه عصام قعد معايا كان هادي ومبتسم وده خلاني اتشجع واساله انت ليه مش بتشتغل يا هشام .. بص لي وقام وقف وقال بعصبيه بصي يا سلوي انتي حد غالي عندي ولو كنت غالي انا كمان عندك من فضلك متفتحيش الموضوع ده معايا تاني
بس الي عايزك تتاكدي منه اني عمري ما عملت ولا بعمل ولا هعمل حاجه تغضب ربنا
وفعلا احترمت رغبته وقفلت كلام في موضوع شغله وحاولت انسي واركز اني اتمتع بالجو الاسرى الجميل في بيت عمي
ومرت الايام وانا وعصام بنقرب من بعض اكتر لحد متاكدنا ان الي بيربطنا مش القرابه وبس احنا بيربطنا مشاعر حب اتولدت جوانا وبتكبر مع الايام
وفي يوم فاتحني انه عايز يتجوزني وقتها كنت هطير من الفرحه بس قبل ماارد عليه رجعت افتكرت انه مش بيشتغل .. لقيتني سكت مرديتش عليه .. بص لي باستغراب وقال لي هو انتي مش بتحبيني يا سلوي معقول مشاعري خدعتني للدرجه دي
رديت عليه قولت له لا انا بحبك يا هشام وانت عارف بس مينفعش اتجوزك وباباك يصرف علينا انت لازم تشتغل الاول علشان احس بالامان وانك انت الي مسؤل عني وبتصرف عليا حتي لو هنعيش علي ادنا او حتي لو عمي ساعدنا بس الاساس انك تكون انت بتشتغل..وحتي لو معانا فلوس قول لي ازاي انا هنزل كل يوم اشتغل وانت نايم في البيت لو انت هتقبلها علي نفسك انا مش هقبلها ...رد عليا وهو متعصب وقال انتي مش بتحبيني يا سلوي لو بتحبيني تقبلي تعيشي معايا في اي ظروف
وقام وقف وقال
لي خلص الكلام بس صدقيني بكره ټندمي انك ضيعتيني من ايدك .. قولت له انا عمري ما هضيعك لاني بحبك وانا مستنيه اليوم الي احس فيه انك اشتغلت وقادر تشيل مسؤليه بيت واسره هنتجوز فورا ومن غير تردد.. ضحك ضحكه استهزاء بكلامي وسابني ومشي
مرت الايام وعصام بقي يقصد ميشوفتيش ولا يقعد في