حكايه سلوى

قصه سلوي
بعد مرفضت اتجوزه من ورا اهلي عاقبني بحاجه مكونتش اتخيلها
انا سلوي عندي ٢٣سنه عيشت حياتي كلها في المانيا بسبب ظروف شغل بابا وماما
انا بنتهم الوحيده مخلفوش غيري
وطول عمري مفكروش ولا مره ينزلو مصر .. تخيلو عمري مشوفت مصر بلدي
لحد ما حصلت حاجه قلبت حياتي كلها يوم مابابا عمل حاډثه بالعربيه وماټ وقتها حسيت الدنيا اسودت في وشي .. وماما كانت حزينه جدا لدرجه انها بعد ست شهور ماټت هي كمان من شده الحزن علي بابا
وقتها حسيت ان ضهري اتكسر ولاول مره احس بالغربه ولقيت نفسي وحيده في بلد غريبه كل الي كان بيربطني بيها ماما وبابا وبعد ما ماټو. مبقاش ليا فيها مكان فقررت وقتها ارجع بلدي مصر..
كان ليا عم واحد اكبر من بابا وكان بابا دايما يحكي لي انه طيب وبيحبنا جدا
علشان كده اول موصلت مصر اخدت تاكسي من المطار لعنوان بيت عمي الي لقيته وسط اوراق بابا .. لقيته بيت كبير وفخم تلات ادوار كل دور شقه منفصله وعمي ساكن في اول دور.. عمي عنده مصنع ملابس كبير
دخلت البيت وانا تايهه ومش عارفه اعمل ايه وفضلت واقفه شويه لحد ملاقيت شاب لاحظت ان فيه شبه كبير من بابا واول مبصيت له حسيت جوايا احساس غريب حسيت كاني اعرفه من زمان .. وهو كمان فضل باصص لي وساكت شويه والاخر سالني انتي مين وعايزه مين اقدر اساعدك في حاجه...قولت له انا سلوي وعايزه عمي محمود.. قال لي انتي بنت عمي الي مسافر من زمان انا عصام ابن عمك
اخدني ودخلني شقتهم وعرفني علي مامته كانت ست طيبه اوي ورحبت بيا اول مشافتني هي وبنتها منال وهي من سني تقريبا.. بصراحه حسيت بالامان وانا قاعده وسطهم.. وعمي اول مرجع من الشغل وشافني حضڼي ودموعه نزلت وقال لي اهلا بيكي ياغاليه يابنت الغالي.. وقعد معايا وحكيت له علي كل الي حصل واتي قررت ارجع اعيش في مصر .. قال لي انتي هتفضلي عايشه معانا هنا لحد مجوزك للي يستاهلك واطمن عليكي زيك زي منال تمام
البيت ده تلات شقق انا بنيته شقه لنا وشقه ل عصام وشقه ل منال انتي هتقعدي في الدور التاني علشان تبقي علي راحتك وفي نفس الوقت تكوني قريبه مني واراعيكي واطمن عليكي طول الوقت
وفعلا قعدت في الشقه الي فوق عمي بس كنت عملاها للنوم طول اليوم في شغلي الي. عمي ساعدني الاقيه وبعد مرجع بقعد مع عيله عمي لحد وقت النوم اطلع انام في شقتي..
ومر كام يوم لاحظت ان عصام مش بيكون معانا الصبح علي الفطار فسالت عنه رد عمي عليا وقال هشام بينام بعد الفجر يابنتي ومش بيصحي غير الظهر
قولت له ياااااه هو شغله كتير كده