قصه اميره ورضا

والنهي في اي حاجه.. وعندي عشرين اب وتلاتين ام دول الي بيشتغلو تحت امر المعلم زغلول وكل واحد منهم له صنعه مختلفه الي نشال والي لاعب سيرك والي بيغني والي بترقص والي بتقرا الكف..وعندي اخوات كتير رجاله وبنات ملهومش عدد منهم الي عارفين ابوهم وامهم ومنهم الي مش عارفين ابوهم وعارفين امهم ومنهم الي زيي مش عارفين لهم اب ولا ام.. عرفت من وانا صغيره اني توهت من اهلي وانا عندي تلات سنين في مولد السيد البدوي في طنطا وعيشت مع الرحاله من وقتها ولما كبرت شويه علموني الرقص والسرقه والنشل والشحاته والمشي ع الحبل.. وكمان اتعلمت اقرا واكتب مع اخواتي .. وبدات اتخصص بامر المعلم زغلول واتخصصت نشاله
بس كنت دايما حاسه جوايا ان في حاجه غلط ان ده مش مكاني ودي مش حياتي الي مفروض اعيشها. دايما كانت عينيا علي الاهالي الي بيحضرو المولد اب وام ومعاهم ولادهم.. وكنت بتفرج علي الافلام وعرفت ان الي احنا بنعمله ده غلط ومش طبيعي.. وكنت شاطره وزكيه والمعلم مبسوط جدا من شغلي ونشاطي
وفي يوم لقيت المعلم زغلول بينادي عليا .. ولما روحت له قال لي كل سنه وانتي طيبه يا اميره انتي دلوقتي عندك تقريبا ١٦سنه يا اقل شويه يا اكتر شويه وعلشان كده ان اللوان ترتبطي بحد من رجالتنا .. انتي جميله وزي الفاكهه مفيش بنت زيك مرت علينا قبل كده في الغجر .. وعلشان كده كل الرجاله والشباب كلموني عليكي كل واحد منهم عايز يرتبط بيكي وانا مش عارف اعنل ايه .. قولت له انا مش عايزه ارتبط بحد دلوقتي انا عايزه اعيش حره نفسي.. وانا عندي فكره .. قول لهم علي مهر غالي والي عايزني يدفع مهري .. قال لي ومهرك ده هيكون ايه قولت له سلسه وغوايش
..دهب.. ضحك وقال لي دهب مره واحده انتي فاكره نفسك مين ده مفيش بنت عندنا جالها دهب قبل كده.. قولت له ده شرطي يا معلم
ومفيش كام يوم والكل سمع عن مهري الي طلباه والي هيجيبه هوافق ارتبط بيه..وده كان طلب مستحيل. في العيله بتاعتنا
مرت الايام والشهور وفجاه حصلت حاجه غيرت حياتي لما خبطتني عربيه واتنقلت المستشفي وفقدت الذاكره وصعبت علي ممرضه اسمها الحاجه زينب كانت ست كبيره وطيبه جدا وفاتحه بيتها دار لتحفيظ القران واخدتني اعيش عندها .. وفضلت عندها سنه وانا مش عارفه انا مين ولا فاكره اي حاجه خالص وهي مبطلتش تراعيني وكانت حنينه عليا جدا علمتني الصلاه والقران وعملت بلاغ في الشرطه عني مع المفقودين وادتهم صورتي علشان اهلي يتعرفو عليا
وكنت وانا نايمه بشوف احلام فيها انوار المولد والزينه والاحتفالات
وبعد ما عدت سنه كنت انا والحاجه زينبماشيين في السيده