الحلم

بابا كان بيشتغل في شركه ادويه وماما موظفه في مصلحه حكوميه ..مكانش لينا قرايب غير تيته(نبويه) ام ماما كانت بتزورنا كل فتره واحنا كمان كنا بنزورها اوقات وخالي (سعد) كان عايش معاها

من صغري وانا شاطره ومتفوقه في دراستي ودايما بطلع من الاوائل وفضلت حياتنا مستقره لحد ما بقي عندي ١٦سنه وكنت في اولي ثانوي
وفي يوم بابا وماما كانو في رحله تبع شغل بابا والاتوبيس الي راكبينه عمل حاډثه ووقع في النيل من فوق الكوبري ومعظم الركاب ماټو وكان بعض الركاب مفقودين مقدروش يلاقوهم ولا يعرفو لهم اثر وبابا وماما كانو من المفقودين .. وفضلنا شهور كل يوم نروح انا واخويا وخالي مكان الحاډثه يمكن نلاقيهم . لحد ما فقدنا الامل

وبعد كام شهر الحكومه اعتبرتهم ميتين وعملنا الاجراءات وطلع لنا معاش من باباومعاش من ماما.. وطبعا علشان انا واخويا لسه صغيرين وملناش قرايب غير تيته وخالي .. تيته اصبحت الوصيه علينا والمتحكمه في كل معاشنا وميراثنا من بابا وماما.. واخدتنا نعيش معاها في بيتها.. انا ومروان في اوضه وتيته في اوضه وخالي سعد في اوضه.. خالي كان عنده تاكسي بيشتغل عليه ولما يرجع اخر اليوم كنا بنقعد نتعشي كلنا مع بعض ونتكلم شويه قبل مننام..

وعدت الايام ونجحت بتفوق في الثانويه العامه فرحت جدا ان مجموعي ممكن يدخلني كليه الطب او الصيدله وابقي دكتوره زي ما بابا كان عايز