حواديت غرام

كنت واقفة ورا الباب لما سمعت خالتي بتقولو.
_يا بني أنت حتفضل لحد إمتى كدا مش حابب تتجوز وتفرحنا بيك.
_قريبا يا عمتو لمن ألقى نصي إلي هيكملني.
إبتسمت خالتي وربتت على كتفو بهدوء ودخلت المطبخ أما أنا اتصنمت في مكاني نصه إلي حيكملو أمال أنا إيه معقولة مش هيكون ليا معقولة هيتجوز وأنا أبقى منسية حسيت بغصة بقلبي وروحي حسيت إني هنهار كمان شوية مسكت دموعي بالڠصب وأنا بحاول أنه متنزلش دخلت اوضتي وقفلت الباب بهدوء.
أصلا أنا غلطانة إني فكرت أحبه غلطانة أن أنا سلمتله قلبي وحبي من غير م اتأكد إذا هو بيحبني أو لا!.
بس اتضح أنه لسا بيدور على نصه إلي حيكملو يعني هو مش شايفني أصلا.
غمضت عيوني بقوة في محاولة أنه دموعي متنزلش لكن محاولة فاشلة حتى دموعي مش قادرة اتحكم فيهم.
حسيت إني عايزة أصرخ وطلع إلي فقلبي لكن مش قادرة حاسة أن أنا إن أنا ضعيفة أوي!
عدت ساعة وأنا قاعدة في محلي وبرتعش ودموعي مش راضية توقف بقى. حسيت إني ح أموت لو قعدت أكتر!
قمت على دولابي لبست عباية سودا ومعاها نقابي! اتنقبت قبل مدى طويلة وكنت عايزة أحفظ قلبي ونفسي لجوزي بس مقدرتش مقدرتش.
الساعة كانت ماشة على 5 العصر بقيت عايزة أهرب وبس عايزة اليومين دول يعدو وهو يمشي وارتاح بس حسيت بنغزة اويا في قلبي لمن افتكرت أنه حيروح ويمشي حيتجوز لمآ يلاقي نصه إلي حيكملو!.
مشيت ناحية المطبخ وأنا بحاول أبان طبيعية.
_ماما عايزة أروح ل هدى صحبتي إمتحانات السمستر قربت ومحتاجين نذاكر.
_خلي آسر يوصلك طيب.
_لا لا ي ماما مفيش داعي أنا حاعرف أروح لوحدي.
_بس يا بنتي الدنيا حتضلم دلوقتي ومش حتعرفي ترجعي لوحدك أحسن آسر يروحك ويرجعك بعدين.
_لا يا ماما أنا ه أبات عندها الليلة.
_خلاص خلي يوصلك طيب.
_بس يا ماما...
فجأة سمعت صوته
_في إيه
_أصل بصراحة يأبني غرام امتحانانتها قربت وعايز تروح لصحبتها تذاكر معاها وتبات هناك بس قلتلها خلي آسر يوصلك فكنت بقنعها.
_مفيش مشكلة يا خالتي هوصلها وهاجيبها بس مفيش مبات.
_افندم وليه بقى عندنا امتحانات ومحتاجين نذاكر