المتخفى والطباخه ريم محمد

_أنت الطباخة الجديدة
_ايوه أنا
_تعالي بقي أوريك كل شبر في القصر وتعرفي التعليمات الجديدة
_أنا هنا من زمان وعارفة كل جزء في القصر وأي حاجة هتعمليها تكون تحت أمري وتعدي علي الاول
_حاضر
_بصي اللي تشوفيه هنا ميطلعش برا الاكل يكون جاهز بمعاد وكمان كل اللي لازمك هيجي
_تمام
_اطلعي دلوقتي غيري هدومك والبسي زي المطبخ
ورتني أوضة ليا وكانت غريبة شويه حتي اللبس غريب وحذرتني أروح الجناح الغربي ليا أتجول في الشرقي بس
وكل حاجة منظمة والقصر كبير عامل زي المتاهة قدامه جنينة كبيرة مليانة زرع وفي كمان شجر ويعتبر الجنينة بس اللي فيها روح
قالتلي الوجبات اللي هعملها ومعاد كل وجبة عملت الوجبة
علي المعاد ومكنش في غير راجل عجوز وبنتين في مقتبل العمر وست كبيرة وشاب والاكل كتير يكفي حوالي خمستاشر فرد مش العدد القليل دا
طبعا بعدها بساعة كله يخلص أكل كأنهم ربوت لمېت السفرة وغسلت المواعين
وكان بعدها بفترة معاد العشا
عندهم خدامين كتير وأنا يعتبر شيف لأني نجحت في اختبارهم وطلعت المركز الأول
مسكت الفون بعد ما خلصت حاولت القط اي شبكة كانت ضعيفة طلعت في الجنينة
مشيت لاخرها لاقيت باب غريب شويه طبعا جالي فضول
افتحه بس معرفتش بس فجأة لاقيت ورايا حد بصيت ورايا لاقيت نفس الشاب دا واقف اټخضيت وكنت هقع على الارض مسكني وقال
اول مره اسمع صوته من ساعة ما جيت
_مين جابك هنا
_انا انا كنت بدور على شبكة عشان النت
_هاتي فونك
_حضرتك ليه
_اوصلك الواي فاي
_بالسهوله دي
_لا في مقابل
_ايه هو
_هاتي الاول وهقولك
اخده ووصلي الواي فاي كنت فرحانة لان جو القصر كئيب ممل اوي
_المقابل دلوقتي
_مينفعش بكره
_لأ دلوقتي
قرب مني وقال
_اقعدي علي الكرسي دا
شغل اضاءة كانت في الجنينه وقعد قصادي وكان مجهز كل حاجة وقالي
_متتحركيش هرسمك
_انت طلعت بتتكلم اهو
ضحك وقال
_ما انا بشړ مش هتكلم ليه
رسمني وبعدها قال
_رسمتك حلوة اوي وملامحك لطيفة ومريحة
حافظي على ملامحك دي
سابني ومشي وعقلي بيردد كلماته احافظ على ملامحي
كلامه غريب شويه
_تقصد الميكب
_كان سابني ومشي اختفى في لمح البصر
الصباح
عملت الروتين العادي والمرادي وحدة من البنات اتكلمت وقالت
_مبحبش الاكل دا عايزة أكل تاني
الشاب اللي لسه معرفش اسمه قال
_ليه ما أكل اسمك ايه
_جين
_اه جين أكلها كويس
لاقيت نظرات من ممته وباباه ڼارية وباباه طلب اروح المطبخ وقال حاجه صدمتني
يتبع
لسه 81 ريأكت
الجزء التاني
دخلت المطبخ ومصډومة من اللي سمعته ليه بجد يحرموا أنه يكلم بنات
وممنوع يحب أي بنت او يرتبط بيها عاداتهم غريبة ممنوع الخروج بعد اتناشر حتى البوابه بتتقفل الساعه اتناشر بالضبط والمكان دايما هادي وقاله الكلام دا بصوت عالي واضايق شفته من ورا الستارة ملامحه تخوف
ممته دخلت المطبخ اتوترت وكنت هوقع كوباية الميه
بس مسكت نفسي علي أخر لحظة!
_أنت بعد كدا تلزمي حدودك مكانك المطبخ وبس متفكريش إن إلياس ابني هيفكر في وحدة زيك
_حاضر
مش عارفة ليه كل الحزم دا ماشي في فرق مستوي بس مش كل البنات ممنوع هو بشړ وبيحس زينا ومن حقه يحب ويتحب انما الحب كله ممنوع!
جه وقت العشا ومخلونيش احط الاكل!!
مسكت الفون فضلت اقلب فيه جالي اكونت بالصدفة دخلت عليه طلع بتاع إلياس مميز زيه وكاتب جملة
حين أجد الحب الحقيقي سأرسمه
حسيت بشعور لطيف ناحيته
فجأة لاقيت الجو هادي
وبعدها لاقيت إلياس واقف وبيدور علي ميه
_اتفضل
_أنا عارف أنك سمعت اللي بابا قاله بس انا مليش دخل
حاسس أنك مختلفة ومميزة وعايز اشوفك عادي متختفيش سيبك من كلام ماما وحطي الاكل عادي
_تشوفني ازاي
_في القصر هشوفك فين
_طيب لو حبيت أطلع برا عادي
_صعب شويه بس هحاول شوفي حابه تروحي فين
_حابه أروح أي مكان تاني
_في مكان مميز أحب أعرفك عليه
_بس اديني مهلة كام يوم
_مفيش مشكلة
خطيت الاكل ووقع مني صنف من الاصناف لسه باباه هيتكلم قام وقال
_حصل خير لسه مبتدئة
حسيت من نظرة عيونه تحدي لباباه وبعدها طلع برا
اخترق قانونين من قوانين القصر التعامل معايا وكمان
ساب السفرة قبل معاد انتهاء الاكل
باباه اتعصب بس فضلوا لحد معاد الانتهاء خلصت كل حاجه
وطلعت الجنينة كالعادة أشم هوا
لاقيته جه من برا وباين عليه ملامح الضيق وقال
_البنات بيحبوا ايه ولا ليه صعب ارضائهم
_مفهمتش سؤالك
_بتتعاملي معايا ببرود ليه
_حضرتك ممتك حذرتني كذا مرة
_جين أنا هتصرف معاهم بس قولتلك بلاش تجاهل نهائي
زعق فجأة وهو بيتكلم فعلا بقالي كام يوم بكلمه بس علي قد الطلب دي تعليمات ممته أنا دخلي ايه
وبقي عصبي خفت منه ودخلت بسرعة اټخضيت من صوته وتحوله المفاجئ دا!
دخلت أوضتي واتنهدت وما صدقت قعدت على السرير
ليه كلهم غريبي الاطوار كدا وكل واحد بيتعامل بمزاجه هو
سمعت صوت قربت من الباب لاقيته بيكلم نفسه
_غبي غبي خوفتها منك
وفضل يخبط ايده في الحيط!
واتنهد بتعب وقال جين أرجوك بلاش تتجاهليني وحافظي علي ملامحك
سابني ومشي! حسيت بحيرة نفس الجملة رددها تاني
صحيت الصبح حاولت اتعامل عادي كأن ما حصل حاجة وعملت كأني ما سمعته وهو بيتكلم قابلته كانت ملامحه توحي بالجمود تلاشيت كل دا وركزت في شغلي أنا بالنسبالهم مجرد شيف مش أكتر ولازم أحافظ علي وظيفتي هنا
عملت روتيني الطبيعي
ولما لاقوني تجاهلت إلياس سمحولي أطلع الجنينة واقعد فيها وقت كبير كان الاول مدة قصيرة جدا
بس لوهلة افتكرت كلام ممته وليه بعدها تجاهلته
فلاش باك
_عايزة تحافظي علي وظيفتك تجاهلي إلياس نقطة ضعفه التجاهل مش عايزة وهتكسري الكلام يبقي ترجعي مكان ما جيت وملمحكيش هنا نهائي إلياس لا هيحبك ولا هيحب غيرك ولا ينفعله أي أنثى بعرفك طبيعته عشان متحطيش أمل
_تعاملي بحدود الحدود فاهمة
_حاضر أنا وظيفتي أهم
_كويس شوفي شغلك
باك
ليه كل حاجه ليهم غريبة وازاي مينفعلوش أي أنثى
حاسني في متاهة وحاسة بغموض من ناحيتهم جامد
كنت ماشية في الجناح الشرقي ومشيت شمال لاقتني في مكان تاني حاولت افتكر دا أنهي جزء من القصر بحاول أجمع مش عارفة
لحد ما افتكرت دا الجناح الغربي!! بس جيت اطلع معرفتش مكان ضلمة فتحت كشاف الفون أنور وحاولت أدور علي أي إضاءة
لحد ما لاقيت مفتاح فتحت النور لاقيت لوح جمب بعضها
ومتغطيين شيلت الغطا لاقيت
لوح غريبة ومن ضمنهم لوحة ليا بصيت وعلي الناحيتين الشمال واليمين أوض وفي النص سلم كبير بيطلع على أدوار تانية كل الاوض مقفولة الا أوضة وحدة طالع منها نور أخضر وبيتوهج كل لما اقرب كنت قربت علي عتبة الباب لاقيت حد شدني من دراعي وبيتنفس بسرعة ومتوتر طلع إلياس! خبطت فيه وبعدها بعدت عنه لاقيت نظراته ليا ڼارية
_ايه اللي جابك هنا عايزة تودي نفسك في داهية
_هو ايه اللي حصل متوتر ليه
_بسببك أنت السبب عايز افهم ايه دخلك هناك المكان دا ممنوع وخطړ ليك
_أنا تجاهلتك وأنت لسه بتحاول
_عارف إن ماما اقنعتك بكلام غلط طبعا وشككتك في
_نفسي افهم ليه ممتك قالت كدا وليه بتردد نفس الجملة وليه انتوا غريبي الاطوار كدا!
_اسئلتك كتيرة بس مع الوقت هتفهمي كل حاجه بلاش استعجال
_المطلوب بلاش تدخلي هنا تاني أنا مش عايزك ټتأذي يا روز
_روز مين روز
_جين اقصد مش مهم مين روز
_دي البنت اللي أنت بتحبها صح
_كنت حاليا لأ بس كانت غبية زيك كدا ففكرتيني بيها عشان كدا اتلخبطت وقولت روز
_ليه بتهتم بيا وتحميني عشان شبهبها
_لأ انا بقولك نسيت روز عشان أنت جين الصافية البريئة مبتشوفيش عيونك بتحكي لوحدها شبه البحر مرة هادي ومرة ثأر وحتي لونهم زي البحر بالضبط
انا اتكسفت وكنت همشي بس وقفني
_استني اطلعك من هنا وبلاش تروحي المكان دا تاني هعرفك تطلعي منين وتدخلي منين لولا اني عرفت بوجودك هنا كنت هتتأذي
_عرفت منين أني هنا
شاور علي قلبه وقال
_دا حس أنك في خطړ
_طلعنا عند اللوح وقال
_لوحتك بتلمع وسط اللوح دي بس بلاش اي حاجه متغطية تشوفيها الفضول وحش
_عشان خاطري اسمعي كلامي ومع الوقت هتعرفي
حسيت بتعب وكنت هقع سندني وكان قلقان علي جدا
وصلني الاوضة ولحسن حظي ملمحناش حد في الممر معدي
_اهتمي بنفسك وكلي واشربي الحاجات والادوية دي
وتقلي لبسك لانه خفيف
_هنتفق اتفاق قدامهم بلاش تعامل معايا بس لما نكون لوحدنا بلاش يا جين تتجاهليني أنت النور في نهاية النفق بالنسبه ليا
سابني ومشي وانا تايهة مشتتة كالعادة
في الصباح
اليوم عدى بسلام من غير أوامر من الست اللي ماسكة القصر ولا ممته ولا باباه
ومحدش عرف اني دخلت الجناح الغربي
دخلت أوضتي وفكيت شعري لانه طول الوقت كحكة وسيبته يتحرر سمعت حد بيخبط علي الباب قولت
_مين
_أنا يا جين جهزب نفسك بسرعة مستنيكي في الجنينة عشان نطلع
_نطلع فين
_هنطلع فين برا مفيش وقت يلا بسرعة
جهزت نفسي وكسلت الم شعري وطلعت لاقيته متشيك ورافع شعره واول ما شافني ابتسم وقال
_علفكره وأنت فاردة شعرك أحسن
_متشكرة
_يلا اتفضلي في العربية
طلعنا من القصر وبصيت من الشباك
_فتحته عشان تشوفي الشوارع وهنلف في اي مكان تحبيه ملامحك كدا حلوة
_أحافظ عليها صح دي تكملة الجملة بتعتك من الميكب ولا ايه
_أنت مش من هواة الميكب يا جين بس ياريت علي قد الميكب هتعرفي مع الوقت صدقيني هقولك بس مش دلوقتي أنا خاېف عليك حتى من نفسي
_أنت ألطف حد عرفته محدش خاف علي كدا ليه خاېف علي من نفسك
_جين لما تلاقيني متعصب تلاشيني ماشي
_انا مش فاهمة حاجة
_قولتلك مع الوقت بس ياريت تعملي اللي بقولك عليه
خلينا بقي نستمتع بمشورانا
اشترالي سلسلة علي شكل نجمة ومحاوطها قمر بيحميها
ولفينا كتير وتعبت من اللف وأكلنا وبعدها أخدني لما تعبت وروحنا
_السلسلة دي معناها أنا القمر هحمي النجمة
_فعلا أنت أكتر حد باخد راحتي معاه في القصر دا
نمت وصحيت الصبح وجهزت فطار وانا لابسة السلسلة اول ما شافها ابتسم
وفرحت انه وفى بوعده وطلعني برا زي ما قال
دخلت ولسه ماشية في الطرقة بتاعت المطبخ سمعت إلياس بيزعق وكسر كل حاجة حرفيا وقال
_كنت عارف إن دا هيحصل!!
يتبع
الجزء التالت
دخلت المطبخ وانا مستغربه إلياس متعصب كل دا ليه حتي أخواته اول مرة اشوف تعبير غير التعبير العادي علي وجوهم وساب القصر وطلع
باباه طلب من الخدم يرقوا المكان بس كان مبسوط وطلب فنجان قهوة ومزاجه رايق ازاي باباه بالقلب دا
استغربت جدا وممته بغض النظر عن رفضها ليا بس كانت زعلانة ومتأثرة حاولت أخلص شغل المطبخ بسرعة
بس للأسف معاد الغدا اتأخر لأن إلياس طلع برا
اتصلت عليه مردش فضلت ارن لحد ما رد وقال
_سبيني يا جين لوحدي وياريت متتصليش تاني
_طيب والاكل وانت مضايق ليه
_مش حابب اتكلم وياريت مشفوكيش قدامي الفترة دي تمام
_طيب انا عملت ايه
_سلام يا جين
انا ذنبي ايه مرة يطلعني السما ومرة ينزلني الارض مش عارفه في ايه وبحاول أفهم اللي حصل مش قادرة
قالوا ليا اجهز الغدا طالما مش جي كنت بقطع الخضروات ومش حاسة من كتر الزعل السکينة كانت هتعدي علي ايدي لولا رئيسة الخدم دي أخدت بالها
انقذت الموقف وقالت
_بتعملي ايه عقلك