عفريت الشاشه

حكايات حماده
كامله
في ليلة كنت قاعد قدام التليفزيون ع الأرض.. وساند ضهري على كنبة الأنتريه وببص لساره مراتي واللي مندمجه أوي وهي بتشوف المسلسل التركي بتاعها.. مديت أيدي بهدوء وفضلت أقربها بشويش من الريموت عشان متحسش بيا.. وخلاص لسه همسكه نزلت بأيدها على ضهر ايدي وخطفت الريموت وقالت
انسى يا حبيبي.. مش عاوزه اشوف ماتشات كوره خالص
ايه يا ستي هو انتي مستوليه ع الريموت كدا ع طول
دا انا برضو!! انا مش بشوف الا مسلسلين
و برامج طبخ وبس
وبس!! لا كتر خيرك.. انا اتخنقت من مسلسلاتك دي
وياريت اصلا بتتعلمي اكلات جديده من البرامج دي
هنلبخ ولا ايه.. مش عاجبك أكلي
هو انا قولت حاجه.. وبعدين هو التليفزيون
دا بتاعك ولا بتاعي
بتاعي.. انا جايباه في الجهاز
بقى كدا
بس بقى خليني اتابع المسلسل
طيب.. هاتي الريموت بقى
لا بعينك انسى.. حاولت اخد منها الريموت
وهي بتبعد ايدها عني.. كانت الاضاءه مطفيه في الصاله
ومفيش نور جاي الا من ناحية المطبخ ونور ال
مسكت ايدها وحاولت اشد الريموت
وقعت ع الارض والريموت وقع منها ..حاولت تجيبه
سحبتها من رجلها ومديت ايدي ومسكناه مع بعض
بقولك سيبي بقى..
لا مش هسيب
أكتر من 5 دقائق وانا بحاول أخده منها
وبعدها ضغطت على زرار والقناه اتغيرت
وسمعنا صوت جاي من القناة بيقول
خلاص سيب الريموت من ايدك انت وهي وركز معايا
بصينا للشاشه مع بعض واتفاجأنا لما لقينا
عليها حد شكله مخيف...
كنت فاكر انه فيلم ړعب في الأول.. حاولت اغير القناه
لكن الريموت مغيرش !!
ايه دا يا احمد هو في ايه
مش عارف !
الصوت رجع وقال
مش قولتلكم سيبوا الريموت
ساره مسكت دراعي وقالت
احمد انا خاېفه...
مټخافيش انا هقفله خالص
حاولت اقفله برضو متقفلش !!
لو مسيبتش الريموت هولع فيك وفيها
وشخط فيا وقال
سيبه بقولك... رميته من ايدي وانا بقول
حاضر.. خلاص اهو
ساره كانت بټعيط وهي بترتعش وخاېفه
ممكن اعرف انت مين وعايز ايه
قال بصوت مخيف
بأختصار ..انا روح لشخص اټقتل في الشقه دي
من عشر سنين.. يعني قبل ما تشتروا الشقه
وتتجوزوا فيها بخمس سنين
عنيا وسعت وانا بسمع كلامه ..
كمل بعدها
انا عايش معاكم من سنه او أكتر..
انتوا ناس طيبين عيلة جميله وابنكم سيف
بيفكرني بابني حبيبي
انا اسف لو هقاطعك.. احنا ايه دخلنا بكل دا
هكمل وافهمك انا ليه ظهرت دلوقتي
طيب بس بسرعه مراتي ھتموت من الخۏف
لو نطقت بحرف تاني ھڨتلها قدامك واريحها من خۏفها
خلاص اسف بجد
انا في حد حاول يستحضر روحي عشان
يسألني عن امور متعلقه بتجارتي.. الشخص دا
كان ليه علاقه مش مباشره پقتلي.. انا شكرته
انه رجعني للحياه عشان انتقم من اللي قتلوني
تحب تعرفوا شكرته ازاي
خۏفت انطق.. فهزيت راسي فوق لتحت .. يعني اه
قال
قټلته
هزيت راسي شمال ويمين وانا مستغرب
ازاي شكره وراح قټله. هو دا شكره ليه يعني!!
كأنه فهم سؤالي من غير ما انطق
اه شكرته فقټلته ...بسهوله من غير عڈاب
عكس باقي اللي قتلوني.. عذبتهم لدرجة انهم
ارتاحوا لما ماتوا من عذابي ليهم
ساره كانت خلاص جالها تبلد من كتر الخۏف
والړعب اللي عايشه فيه.. فضلت مبرقه وساكته
كمل وقال
كان المفروض ان روحي تهدى واختفى
بعد ما خدت اڼتقامي.. لكن للأسف
عرفت ان ابني الصغير.. اتعرض لحاډثه
ودخل العنايه من سنه.. مراتي كانت هتتجنن
وصرفت اللي وراها واللي قدامها عليه
عمل 3 عمليات وفاضل له عمليه أخيره
ويقدر يمشي بعدها ويرجع يعيش حياته بشكل طبيعي
اتأثرت جدا وانا بقوله
ربنا يشفيه ويطمنكم عليه...انا متعاطف جدا مع اللي حصل
ليك ولأسرتك من بعدك
شكرا لمشاعرك دي.. بس التعاطف مش كفايه
يعني ايه
انا محتاج مبلغ مالي ع الأقل 50 ألف جنيه
وواثق انك هتقدر تساعدني
اساعدك !! ازاي مش فاهم
انا اصلا محتكمش ع المبلغ دا
انا عارف انت عليك اقساط عربيه غير مصاريف
ابنك والحضانه.. انا